Google+ Followers

2010年10月23日 星期六

韓國這一年 D22

今日唔想溫書住,所以食過LUNCH就去左安國,又係安國,連續兩日都去安國
但係今次我係3號出口出,我要去既係北村傳統韓屋,沿路好多韓國人特登去影相,仲有唔少係老人家~~~ 個度好多斜路,但係無學校咁斜,本來我想去北村個文化中心拎張地圖,但係見唔到,我就見路就行啦,睇到好多以前既韓屋,但係當我想影D韓屋既時候竟然無電,我個袋仲有一舊電,一放落去竟然係紅色電芯個公仔彈出黎,話無電喎,唔係掛,我明明記得之前充滿電架~~~~ 再試多次都係唔得,仲熄埋部機,真係激死= =
本來我係想等到影黃昏景架~~~~ 我仲要無拎我部電話出黎,相機無電即係唔駛影啦,再行左一陣就走人,我決定下星期再去~~~~ 個度有D樹變左黃色同紅色,首爾好似十月尾開始有紅葉,到時周圍影下相先




 呢間工作室好型,貼哂D手機係度


呢間係高中黎架,仲有個開放時間比人參觀


 其實呢張係想影個細路,我覺得佢著得幾型,但要電左個髮
就係影到呢度咋~~~ 有一度睇到D韓屋個屋頂,睇到都無得影= =
去搭地鐵個陣,突然間有個阿伯對住我問係咪去鐘路3街,我愕左然,跟住答佢係,佢又同我講再搭錯又要上上落落~~~ 之後番宿舍食咖哩,而家超飽~~~
P.S.今日我終於忍受唔到個垃圾桶D垃圾堆到山咁高,就去倒左,呢次我係第3次去倒.其實我作個禮拜都無掉過垃圾入個個垃圾桶,同房見到成堆垃圾都可以繼續掉垃圾入去好多垃圾都跌哂出黎,真係O咀~~我接受唔到沖涼個時望見堆垃圾~~~~
同個本來就唔識既人一齊住,真係有好多不便之處~~~

2010年10月22日 星期五

韓國這一年 D21

今日上堂教左兩個文法,都唔係好難,所以好快教完
었었=>呢個文法其實我覺得有D無謂~~
因為有半個鐘時間剩,MISS話鐘意做乜就做乜,我就做哂D功課佢
放學番宿舍上陣網,就去拎我張証,去到成間野都無人等喎,少人得咁厲害既.聽講梧X洞個間好多人,要等成個鐘,我之後去左地下商場行下,查實係咪間間地下商場都係咁上下?好似大少少既地鐵站都有地下商場咁
我買左2件衫,1件5000WON,1件10000WON~~ 原來我20日裡面買左7件衫一條褲@_@
不過加埋其實都係400幾蚊,但係我決定呢個月唔再買衫,我要買字典同電話...
我係EMART用3千幾WON買左好大盒早餐X片,我覺得食到成個月,平時朝早我係買700-800WON麵包食,而家慳番好多,我又唔駛特登買,我個度無廚房所以我叫人帶左好多通粉比我,我仲買左幾盒飯番去叮,而家隔幾日就去一次emart佢簡直成為我既好朋友
星期日去公園玩,期待影到靚相

2010年10月21日 星期四

韓國這一年 D20

今日上堂教D文法我覺得好難呀~~~ 唔係好明
仲要有好多功課做,聽日又要交哂第二課作業,又要作句子
勁頭痛,上一陣網要開始做功課~~ 點解可以有咁多功課做
頭先買左個飯盒,唔好食既= =
DWM SENT左封EMAIL比我,話要溫習既野比想像中多,所以改下星期先見,我上星期都同佢講考完試先見,係佢自己話可以抽時間@_@
我聽日都要去拎我期待以久既野

2010年10月20日 星期三

韓國這一年 D19

今日上堂講職業,大家一齊用韓文寫左好多種職業名稱
係中間休息時間,同日本同學搞個小PARTY,佢男朋友尋晚係大邱黎同佢慶祝,超幸福
之前人人夾3000WON買左個CAKE同汽水,同埋兩個MISS一齊,



但係我地用筷子食喎~~ 我第一次用筷子食蛋糕@_@
放學同JP,TW,泰國人去外大食堂,食左芝士拉麵1500WON,試過幾次同日本人食飯呢次感覺最好,可能因為大家溝通到,佢地唔會剩係講日文


2010年10月19日 星期二

韓國這一年 D18

今日放學就同同學一齊去左學校附近食雞,係MISS 介紹既,我覺得無安東雞咁辣
11個人食左73000WON,位位7000WON

 食完飯又去CAFE食冰,8個人一食2000WON




食完同學話一齊做功課,我都係第一次咁多人一齊做功課
過左一排同學話去唱K,行左去回基個邊一間K房,環境靚過我第一次去個間,10000WON,5個人1人2000WON,唱左2個鐘度啦~~~ D歌難搵,我成日唔記得歌名,我覺得同學仔唱歌都幾好聽喎,我唱左3首,有一首拎到100分~~~ 哈哈哈


唱完K叫個職員OR老細(阿豬媽)同我地影張相,佢竟然將部相機放係佢眼前(我地就睇到佢好大隻眼係相機度)跟住影出黎D相係有郁哂,睇唔清楚@_@
6點幾各自走人,我同TW同學去左行EMART,佢一路講D慳$方法比我聽,之後一齊食PIZZA5000WON+大支汽水1300WON,每人3150WON
今日出一出街真係用多好多$$,但同學去玩都係開心既~~~

2010年10月18日 星期一

韓國這一年 D17

今朝好唔想起身,唔知係咪因為連續3日出左街,成日係咁行路?
返到學校大家玩畫鬼腳掉位坐,有D人隔離個人係無換過架
跟住MISS話有個演唱會好似係亞洲XX演唱會,有亞洲地區既歌星一齊搞既個演唱會,免費既~~ 要登記passport no同國家
lunch去Isaac買野食,黎左咁耐終於食到啦~~~ 我應該會成日去




dinner同室友仲有佢個FD一齊食,佢個FD係青X館做野,約係個度等,但係我地最後行左去外大近地鐵站個度食
보쌈 $5000won



2010年10月17日 星期日

韓國這一年 D16梨大

去左梨大行街,去左呢間野食,其實因為見到好多廣東話,同埋佢呢張野
食完野走人個時佢比左張印仔咭話食夠十次送一次5000WON







跟住參觀梨花女子大學











2010年10月15日 星期五

韓國這一年 D15 弘大=>東大門

今日約左FD去弘大等左4個字都唔見人,超覺得無電話好唔方便,等緊人途中有個人拎住張寫住韓文既紙問我路,覺得佢似HK人,但我同佢用英文講我唔係韓國人(其實我將去佢想去個地方,但係我未肯定行邊條路)
跟住等到個FD之後去左弘大個FREE MARKET,好多賣飾物既檔攤,我無野啱買個FD就買好多





呢度咁多人,係咪以為有咩名星簽名會?

睇真D係10WON10秒幫你畫一幅畫呀
但係其實畫出黎個個唔似個個人,但係10WON即係6個幾仙,我見佢個筒都有1000WON,不過佢畫左成幾個鐘隻手應該好攰(永遠有一群人圍住佢個檔)
呢個女仔背隻貼住"今日畫到呢度為止)初頭我以為佢同個男仔一齊,但原來佢都係黎畫畫,但唔知佢做咩貼佢張野係背隻

今日好多猜包剪X,贏左有飛送(仲見成班鬼行過,嚇親我)